Impeksiyon sa Gitna ng Tainga (Adulto)

Pangangalaga sa tahanan

Narito ang ilang pangkalahatang alituntunin sa pangangalaga:

• Ubusin ang lahat ng ibinigay na antibayotikong gamota, kahit na maaaring bumuti ang iyong pakiramdam pagkatapos ng ilang araw.

• Maaari kang gumamit ng gamot na nabibili ng walang reseta, gaya ng acetaminophen o ibuprofen, upang kontrolin ang pananakit at lagnat malibang may iniresetang ibang gamot. Makipag-usap sa iyong tagapangalaga ng kalusugan bago gamitin ang mga gamot na ito kung mayroon kang pangmatagalang sakit sa atay o kidney. Makipag-usap din sa iyong tagapangalaga kung nagkaroon ka ng ulser sa sikmura o pagdurugo sa sikmura at bituka. Huwag magbigay ng aspirin sa sinumang wala pang 18 taong gulang na may sakit o may lagnat. Maaari itong magdulot ng malubhang karamdaman na tinatawag na Reye syndrome, na maaaring magresulta sa pagkapinsala ng utak o atay. Kung hindi nagamot nang tama, maaari itong maging sanhi ng kamatayan.

Follow-up na pangangalaga

Mag-follow up sa iyong tagapangalaga ng kalusugan ayon sa ipinayo. Kung hindi bumubuti ang lahat ng sintomas, o hindi bumabalik sa normal ang pandinig sa loob ng 2 linggo, maaaring kailanganin mo ng karagdagang paggamot.

Kailan dapat humingi ng medikal na payo

Tumawag kaagad sa iyong tagapangalaga ng kalusugan kung mangyari ang alinman sa mga ito:

• Lumulubha ang pananakit ng tainga o hindi gumagaling pagkalipas ng 3 araw na gamutan

• Hindi pangkaraniwang pagkaantok o pagkalito

• Pananakit ng leeg, paninigas ng leeg, o pananakit ng ulo

• Pagtagas ng likido o dugo mula sa kanal ng tainga

• Lagnat na 100.4°F (38°C) o mas mataas, o ayon sa ipinayo 

• Kumbulsyon