Pang-aabuso sa Alkohol

Mga problema sa kalusugan

Nagdudulot ng maraming problema sa kalusugan ang pang-aabuso sa alkohol. Kung minsan nangyayari ito pagkatapos uminom lamang ng "kaunti."  Depende ang mga epekto sa kung gaano karami ang nainom mo sa isang pagkakataon at kung gaano kadalas kang umiinom. Depende rin ang mga epekto sa kung gaano katagal kang umiinom. Halimbawa, ilang buwan, taon, o dekada. Naaapektuhan ng alkohol ang lahat ng bahagi ng iyong katawan

Utak

Naaapektuhan ng alkohol ang central nervous system. Masisira nito ang mga bahagi ng utak na kumukontrol sa iyong balanse at paglakad, memorya, pag-iisip, at mga emosyon. Maaari itong magdulot ng:

• Pagkawala ng alaala

• Mga pagkawala ng malay

• Depresyon

• Pagkabalisa

• Mga problema sa pagtulog

• Mga kumbulsyon

Maaaring pangmatagalan (permanente) ang mga pagbabagong ito.

Puso at mga daluyan ng dugo

Maaaring masira ng alkohol ang kalamnan ng puso (cardiomyopathy). Maaari itong humantong sa:

• Hirap sa paghinga

• Hindi regular na tibok ng puso

• Atrial fibrillation

• Pamamaga ng binti

• Pagpalya ng puso

Pinatitigas ng alkohol ang mga daluyan ng dugo. Nagdudulot ito ng mataas na presyon ng dugo.

Itinataas ng lahat ng problemang ito ang iyong panganib ng pagkakaroon ng isang atake sa puso o stroke.

Atay

Nagdudulot ang alkohol na maipon ang taba sa atay. Naapektuhan nito kung paano gumagana ang atay. Itinataas din ng alkohol ang panganib ng hepatitis. Maaari itong magdulot ng:

• Pananakit ng tiyan

• Pamamaga ng tiyan

• Pagkawala ng gana

• Paninilaw ng mga mata o balat (sakit sa atay)

• Mg problema sa pagdurogo

• Cirrhosis

Maaari nitong gawing mas mahirap para sa iyo na labanan ang mga impeksiyon.

Ang mga pagbabago sa atay ay pinipigil ito upang alisin ang mga lason sa iyong dugo na nagdudulot ng sakit sa utak (encephalopathy). Nagdudulot ang kondisyong ito ng:

• Pagkatuliro

• Nabagong antas ng malay

• Pagbabago sa personalidad

• Pagkawala ng alaala

• Mga kumbulsyon, coma, at kamatayan

Maaari ding magdulot ang mga pagbabago sa atay na maging manipis at namamaga na may dugo (varices) ang mga ugat sa iyong esophagus at sikmura. Maaari itong magdulot ng pagdurugo at pagsuka ng dugo.

Lapay

Maaaring magdulot ang alkohol ng pamamaga (inflammation) ng lapay (pancreatitis). Maaari itong magdulot ng pananakit ng tiyan, lagnat, at diabetes.

Immune system

Pinahihina ng alkohol ang iyong immune system. Mas pinahihirap nito para sa iyo ang paglaban sa mga impeksiyon at sipon. Ginagawa rin nitong mas malamang para sa iyo na magkaroon ng pulmonya at tuberkulosis.

Kanser

Itinataas ng alkohol ang panganib para sa ilang uri ng kanser. Kasama rito ang kanser ng bibig, esophagus, lalaugan, larynx, atay, at suso.

Pagganang seksuwal

Maaaring humantong ang alkohol sa mga problemang seksuwal.

Pangangalaga sa tahanan

Tutulong sa iyo ang mga tagubiling ito na harapin ang pang-aabuso sa alkohol:

• Aminin na may problema ka sa alkohol.

• Humingi ng tulong mula sa iyong tagapangalaga ng kalusugan. Humingi rin ng tulong mula sa mga pinagkakatiwalaang miyembro ng pamilya o malalapit na kaibigan.

• Humingi ng tulong mula sa mga taong sinanay sa pagharap sa pang-aabuso sa alkohol. Maaaring ito ay one-on-one na pagpapayo o group therapy. O maaari itong isang programa ng paggamot sa karamdaman dulot ng alkohol.

• Sumali sa isang grup ng pagtulong sa sarili para sa pang-aabuso sa alkohol gaya ng Alcoholics Anonymous.

• Lumayo mula sa mga taong nang-aabuso ng alkohol o tinutukso kang uminom.

Follow-up na pangangalaga

Mag-follow up sa iyong tagapangalaga ng kalusugan, o ayon sa ipinayo. Makipag-ugnayan sa mga grupong ito upang humingi ng tulong:

• Alcoholics Anonymous (AA) sa www.aa.org. O tingnan ang phone book para sa mga pulong na malapit sa iyo.

• National Alcohol and Substance Abuse Information Center (NASAIC) sa www.addictioncareoptions.com o 800-784-6776

• National Council on Alcoholism and Drug Dependence (NCADD) sa www.ncadd.org o 800-NCA-CALL (800-622-2255)

Tumawag sa 911

Tumawag sa 911 kung mangyari ang alinman sa mga ito:

• Hirap sa paghinga o mabagal at hindi regular na paghinga

• Pananakit ng dibdib

• Biglaang panghihina sa isang bahagi ng iyong katawan o biglaang nahihirapang magsalita

• Malakas na pagdurugo o pagsuka ng dugo

• Sobrang inaantok o hirap gumising

• Pagkahimatay o pagkawala ng ulirat

• Mabilis na pintig ng puso

• Kumbulsyon

Kailan hihingi ng medikal na pangangalaga

Tumawag kaagad sa iyong tagapangalaga ng kalusugan kung mangyari ang alinman sa mga ito: 

• Pagkatuliro

• Pagkakita, pagkarinig, o pakiramdam sa mga bagay na wala doon (mga guniguni)

• Pananakit sa itaas ng iyong tiyan na lumulubha

• Nagpapatuloy na pagsusuka, pagsuka na may dugo, o maitim o tulad ng alkitran na dumi

• Matinding panginginig